19.11.2018.

Zločin i kazna Božja na Cerini

Jedina dilema: majmun ili čovek?

Baka Elizabeta iz Ruda nafčila me još ko malog da je dragi Bogec napravil celi svet. I zvezde i mesec i ljude. Trebalo mu je šest dana da se to zgotovi. Morti je delal i po noći, il pak prekovremeno... Baka mi to ni pojasnila. Znam samo da je prvo napravil Adama i još nekaj materijala mu je ostalo pak je naredil i Evu, da Adama imo ko zahebavat. Tak je baka pripovedala.

Kad sam došel v Zagreb u osnovnu školu, učiteljica Beštak, kaj je naučavala prirodu, rekla mi je da je moja baka staromodna i da su ljudi nastali od majmuna i da je za sve zaslužna evolucija. Nis smel niš pitat, jer mi je deda rekel da je drugarica učiteljica tu došla nakon kaj je završila nekakva "rezolucija". Ja sam u međuvremenu postal fotograf, snimil sam jedan rat i po svetu par revolucija, al još mi neke stvari v životu nisu jasne. Baš sam se prekčera šetal po šumi i prema Cerini krenul, a onda sam se v toj milini skoro od muke preokrenul.

Neki je majmun na planinarski put pohital se kaj mu je ostalo nakon maleraja. Da se sad tu se nabraja, ne bi tome bilo kraja... Kante, farbe, kisti, i zmazani i čisti, stare krpe, flašice, daskice, zmazanog papira... Jednom reči - kupleraj. Da se mene pita, taj čimpanza ne bi smel u raj.

A morti je to ipak bil neki čovek? Al kak bi Božje stvorenje nekaj takvoga moglo napraviti? Baka je pripovedala da je Jahve delal čoveka na svoju sliku i priliku. Morti je ovog zdelal na brzaka? Morti mu je baš tega časa pofalilo možđana pa mu je v glavu deta slama?

I, kaj sad reči? Iz iskustva znam da Bog tu i tam zna biti pravi "šeret" - ni valda on iskrcal sav taj teret?

Baka je navek govorila da su nedokučivi puti Gospodnji i baš kad sam se tega zmislil zrušilo se pol brega i pred menom je nastala rupa. Nestala je cela cesta do Cerine u tri sekunde. Da sam prešel još napred dva koraka, sad bi bil tam di mi je baka. Valda se Bogec nekaj jako rasrdil, bolje mi je da sam kuš.

Na Cerinski vir se i danas nemre, brega pol fali. Sakim danom sve ga je manje, splazilo se još više, a Vakula veli da bu drugi keden i kiše.

Baka je rekla da Bogec ima za sakoga od nas plan. A naš plan je da taj đumbus zvlečemo van.

A Bog s nama budi, valjda samo nebo zna kak i kad od majmuna nastaju ljudi.

Amen.

Romeo Ibrišević

P.S.

Dragi bogec, ja te lepo prosim da na onu rupu na Cerini deneš kakav velki kamen da morem prejti do Cerinskoga vira i tam si najti duši mira.

 

Zločin i kazna Božja na Cerini

Arhiva 2005

2018

2017

2016

2015

2014

2013

2012

2011

2010

2009

2008

2007

2006

2004

2003

2002