31.03.2019.

Muke rudarskoga punca radi jednoga poklopca

Smrad ne vara - smrdi kanta kod Rudara

Muke rudarskoga punca radi jednoga poklopca

"Skini se s plastike, navuci se na prirodu". Tak piše na stranici Komunalca i ja puncu velim da je on sto posto v trendu. Da svira u nekom bendu, več bi imal hit. On je rekel nek i ja i Komunalac i internet idemo vrit, a on je prešel u Kolarski pit. Navlekel se je na prirodni sok od grožda, sto posto. Ja znam kaj mu je, sličnu tlaku imal sam i ja na Čudomerščaku, a da bi vi znali kak se v Komunalcu dela, evo vam priča cela.

Puncu su dečki kaj voze smeče potrgali kantu. Onu zelenu za smeče, puknul je poklopac. Rekli su: "Nedaj bog večeg zla". To mislim i ja, al punac zbog toga nočima nema sna. Pred hižom mu je dučan, prek puta je župni dvor, a z dvorišča smrdi kak da tu živi tvor. A ni baš zgodno da kad ljudi idu k maši vidiju kolko smo punac i ja od tuge v tu kantu nametali praznih flaši. A i punica se za punčevo zdravlje plaši.

Bil je neki dan i kod psihologa, politologa, žalil se i župniku, a on je rekel da se peju žalit i do dragoga Boga, al da još valda ni došlo baš do toga. Naravno da je Papeš bil i u Komunalcu, i to prije mesec dan. I zapisali su njegovu molbu. A onda je za sedam dan pak pital za svoju kantu. Papeš, Rude 100. Rekli su da znaju za to. Onda opet nisu došli.

Pak je punac išel dole. Pital je za poklopac i kantu. Odgovor je bil tak opsežan da je punac mam moral v ambulantu.

Prošli keden pak je na Komunalcu ponovil mantru: "Ljudi, potrgali ste mi kantu". Nakon kaj su mu rekli da na internetu se piše, tam ni išel više. Onda se obratil meni: "V novine ih deni"!

Evo, del sam kantu na internet. Del bum i v novine. Al ta kanta i dalje zaudara, oseča se smrad od centra Ruda, se dole do Rudara.

Romeo Ibrišević

P.S.

Ja bum optelal tu kantu na portu od Komunalca pa nek njima tam smrdi, čim mi punac to potvrdi. Imali buju prirodne mirise i žifci buju im od toga sigurno više elastični. Garant buju onda odmah se shvatili i na kantu navlekli poklopac plastični.

 

Muke rudarskoga punca radi jednoga poklopca

Arhiva 2019

2018

2017

2016

2015

2014

2013

2012

2011

2010

2009

2008

2007

2006

2005

2004

2003

2002