Glasnik-SSNInformativno glasilo Samobora i Svete Nedelje

Našem suradniku, fotografu, ekologu i mučeniku z Čudomerščaka priviđaju se stvari koje čak ni gradska vlast ne vidi!

Kreneš vu Malu Jazbinu, a završiš vu Velikoj Pripizdini!

Teturam prema doma. Hodim po vulici koju japanski turisti zovu Sama Jama. To je ona kratka cesta kaj su ju prošlo leto raskapali pa sam radi toga išel doma okolo i za pol leta napravil na neku foru kilometraže kak da sam dvaput obišel zemlinu koru. Negdar se je ta cesta zvala Starogradska, a sad po blatu peške gacam, kak da je sibirska međugradska.

Dok sam od Lavice dogmizal do Gabreka, več je došlo zutra. Nis išel nutra, jer imaju šank vani. A lepo sam si rekal: "Alkohola se mani". Al Gabrek je kriv! Tuče me v oči i jasno piše - natoči! I dok sam gruntal kak prejti tih parsto metri do doma, a da žena ne vidi da sam koma, najemput mi se prikmičilo – se mi se zmešalo i nekak sam zgubil zacrtanu perspektivu. Pitam se: "Morti zato kaj sam zmešal bermet i pivu?". Al vidim da tu nekaj ne štima, nekaj je tu gadno v krivu! Gledim vu taj znak, gledi on mene. Ja bi levo, on pokazuje dole. Kak dole, kad je Velki Dol gore? Na čelu su mi mam zrasle bore. Onda sam hrabro došel znaku bliže, nagnul se niže, čvrsto ga stisnul i fejst porinul vu stranu, da mu zravnam ranu. Ko bu to napravil, ak ne ja?! Kad, ak ne sad. Ho-ruk, ho-ruk... Al znak čkomi. Jasno, kad je v komi.

Štel sam pokazat putokazu kam da gledi. Priznam, imal sam malu dilemu. Jel moguče da znak pokazuje krivo?! Ja razmem da ja ne hodim baš ravno i da mi noge nekak v stran bejžiju, al to je normalno, zbog sile teže... Al da se putokaz tak jako nakrene, to je preveč i za mene! Ono zbog čega me sad pri srcu steže i v želucu mi bučka je spoznaja da kaj je moguće da samo ja vidim da taj znak stoji krivo, a da se svim drugim na taj prizor živahno fučka. Morti i z menom nekaj ni v redu, morti je pri poslu nekaj moj stari zeznul?

Od te misli mam sam bil trezan. Kaj bi bilo da sam sad, nedajbože, krivo skrenul? Onak kak znak kaže. A zaprav, laže! Ja idem peške, al kaj bu bilo ak se negdo zezne, pa v Gradnu z autom grezne? Ko bu onda kriv? Gdo bu platil osiguranje? Nastalo bu sranje ak negdo zleti v granje!

Prešel sam brže doma po libelu i vaservagu pa stručno i naučno zaključil da je se prešlo k vragu. Jer ni normalno da brigu o posrnulom znaku koji kaže kam da se ne krene morate pitati mene. I to sad, dok sam u ovak jadnom stanju, skoro četveronoške...

Kad sam več pri birtiji, naručil sam si zato još jednu ljutu. Manju. Sunčeko je polako zašlo, a ja još nis rešil dilemu. Pa kaj su oni zaduženi za turizam, promet i sigurnost slepi, il su vu šturcu, da ne velim ono drugo? Pa taj nahereni putokaz se klima tu još od prošloga leta.

Ja stojim ravno i postojano pri tom iskošenom znaku kak nevjerni Tomo. Nekak slutim da se odgovorni razmeju u sve ovo, kak Marica u krivo ono. Nekak si mislim da bu se tek za Fašnik taj krivokaz baš uklopil. Zato bum si još jedan mali bermet popil. Živeli!

P.S.

Pijem samo onaj od Vojka Filipca, taj je malo gorči... Vojko mi je več pred tri leta poštom poslal nacrtanu ideju da se baš tu, na tom mestu, postavi putokaz, koji bi sim planinarima i gostima Samobora rekel da su upravo ušli u Park prirode Žumberak - Samoborsko gorje i poručil im da su dobro došli. Filipec je se lepo napisal, narisal, objasnil i nadodal da to se košta malo truda, a još manje nofcih.

Naivac je veči neg sam ja.

Tak smo kak Dudeka dva. A pisal je bogec vu gradsku upravu, vu planinarski savez, pismo je slal i vu Komunalac, Jutarnji, Večernji. Da postoji Podnevni, i tam bi poslal pismo. Kak vidite, toga znaka ovdi nema, a niti ga nigdar deli nebuju, uspeh nad uspehima bu ak i ovoga zravnaju.

Konobar, još jen bermet prosim pa da platim, ionak zabadaf ovo malatim.

Romeo Ibrišević

• Registrirajte se za komentiranje
• Pregled komentara (0)