Glasnik-SSNInformativno glasilo Samobora i Svete Nedelje

Novi hit na ekološkom tržištu: Tajna krvavog potoka

Il je neko nekoga vubil, il sam samo preveč pil

Išel sam peške domom, kak navek kad pijem, a trošim lek. Trasa mi je Samobor - Otruševec. Teško več idem v breg, gledam vu pod. Del sam se vu sporovozni mod. Tak prignut vu Gradnu gledim.... Jel od vina il mi je to od leka? Ma sigurno ni od mleka - čudna se pokazala slika - potok pun krvi... Pa nis ja to valda videl prvi!? Nigdi nikog ne vidim. Gledim di sam - kaj sam več u Deželu zašel? Tam je selo Krvavi Potok. Ma nis, vidim da ni do Grgosa nis došel. A di je još Čudomerščak?

Idem brže uz potok krvavi. Osečam da nis vu glavi pravi. Rekel sam vu birtiji Štefeku da mi brzo da neku dezinfekciju, nek zove hitnu, nek mi daju nekakvu injekciju!

Se mi je nekak postalo čudno. Gledim i pri njemu je sad se nekak drukče, se je drveno, a meni pred očima furt ono črleno. Koga bi sad čovek trebal zvati, mila moja mati? Bog moj dobri, tu v grabi nema signala... Ajoooj, kakva sam ja budala! Bejžim gore-dole, di Štefek veli da morti signal vlovim. Zovem onaj broj vu Samoboru gradu kaj na blogu piše. Komunalni redar čujem uzdiše. Veli: gotovo radno vreme, na pleća nejaka mu mečem teško breme. Ni to niš strašno, veli, zovi 112. Evo ti ga sad na! Ak ni strašno, kaj bum ljude tam plašil?! Buju rekli da sam pod gasom, nek to on obavi, prosim molečivim glasom. Veza puče, potok krvavi huče... Meni srce se jače tuče!

Jedva sam na Čudomerščak došel tek oko pola noći. Žena čez prozor začuđena luče, koji to bedak na vrata tuče? Kad sam joj rekel za tajnu krvavog mosta bilo joj je života dosta.

Denes je novi dan. Strah me ziti z hiže van. Mislim si: morti to čera ni bilo niš strašno, morti su deca zaklala kakvoga zeca za roštilj? Hmm... Taj je zec moral imat bar dve tone!

Pa ljudi moji, ja jes pil, al si mislim kaj ak je gdo nekog vubil. A ja sam kakti svedok bil. Reka krvi je tam tekla dok me je čudna sila v prvu birtiju nazaj vlekla. Sekiru je negdo nekom v pleča zabil. Al kad ga je vubil, raskomadal mu je celo telo.

Ljudi moji, kad se toga zmislim, mam mi se pred očima črleni. Divlja srce vu meni kak biku vu areni. Jaj si ga meni, gori mi celo telo.

Znam kaj bum, prestajem črleno piti.

Prelazim na belo.

Roneo Ibrišević

• Registrirajte se za komentiranje
• Pregled komentara (0)