Glasnik-SSNInformativno glasilo Samobora i Svete Nedelje

Naš suradnik i prometni patnik poziva gradske oce i gradsku majku

Piči - miči - na Makitu mi čiči!

Kak ne vidim kraj radovima u Starogradskoj, nabavil sam si tačke. Ne obične, starinske tačke, nek ove nove, moderne, na struju. Imaju ručnu bremzu, svetla, rikverc i tri brzine.

Čera sam išel s njima od doma skroz do Mlinske i od Čudomerščaka do centra sada idem sakoga dana. Morem v tačku deti više od 500 kila. Se se pitam, di mi je pre pamet bila! Auto mi je ionak u šturcu, da ne velim točno kak zgleda... Dok sam se vozil prošlo leto po Starogradkoj, otpal mi je auspuh, puknul levi amortizer, zvinul mi se je blatobran.

Sad zgledi auto kak ono četrdesetpete domobrani.

Ovak motoriziran i naelektriliziran, modernom tačkom se dičim, dok u grad po Vugrinščaku pičim.

Danas sam u prolazu videl one vitezove kaj sako leto glume sredni vek, spremaju bunu i nekakvu bitku. I dok siromaki glediju kak da se prek Sarogradske do bojnog polja probiju, vidim ih kak gacaju po blatu i kak se lepo uklapaju u te Starogradske kulise.

Tek sad je to pravi sredni vek!

Ak se mene pita, tak bi Starogradska tribala zgledati zanavek.

Gradski oci veliju da se još dela nova kanalizacija, gradska majka veli da bu ulica nakon radova kak nova. A kad to bu, ne veli ni majka ni oci. Onda buju ju valjda i prekrstila u Novogradsku. Meni se čini da se to malčice predugo traje, a tak misli i večina raje.

No, karavane i dalje prolaze, dok moj Čuko zabadaf kak stekli pes laje. A se to skup traje i traje...

Baš mi je sad došla ideja da napišem jednu knjigu, kaj bi se zvala "Na Gradni ćuprija". Bil bu to ekološko - sportski roman gdi bu se mešala ljubav i zloba, ohola vlast i sloboda. Sad, evo, prikupljam građu, poslušam ove goste kaj tud po bojnom polju započinju svađu, jer danas nisu uspeli vu prometu da se snađu.

Ak niste iz Samobora, onda bute teško razmeli ovu tematiku. I ja, kak domači, jedva kontam tu matematiku.

Uglavnom prešlo je više od godinu dana, a Starogradska je još navek raskopana, isto kak i pre godinu dana. I kad me neko na tu temu nekaj pita, ja mu strpljivo objasnim kak da dojde prek Bregane do mene. Neki su se javili vjutro, a došli na kraj treće smene.

I zato sam sad tačku parkiral na Trgu - tam di na posel dolaze si iz gradske uprave i moraju videti moje tačke. Del sam i natpis "Na Makitu mi čiči".

Sad buju si kaj me trebaju, znali kak da dojdu do Čudomerščaka, a da im to nebu tlaka - tačkom prek Vugrinščaka!

Romeo Ibrišević

• Registrirajte se za komentiranje
• Pregled komentara (0)