Robert Škiljan
PO GLAVI STANOVNIKA
Kukurikali, pa se zasrali
Ko bi doli sad je još gori
Dakle, kak brzo odkukurikati.
Zna se (da, točno tak!) da saka nova vlast ima par minuta odmora. To se obično zove "prvih sto dana", al je ova nova mam, več prvi dan, rekla da im to ne treba, jer je situacija vu državi "iznimno ozbiljna". Treba se mam primiti posla, nema vremena za zajebanciju, nema cajta za prelevanja "iz šupljega vu prazno" ni sličnih sranja. Mam se posla treba primiti, da ne velimo "uhvatiti se u koštac s problemima".
Je, tak to ide, prvih par dan, a onda...
Dobro, ni se baš tak jednostavno.
Zna se (opet to - zna se!) da se potezi sake nove vlasti moreju podelit vu dve grupe:
1.) Simbolički potezi. To su oni koji daju narodu privid da se nekaj zbilja menja, da bu nekaj drugač, da je staro prešlo, a da je na to mesto došlo nekaj novega. To je, na primer, ono o ukidanju "privilegiranih mirovina" za se i sakaj, a sirotinji je najvažnije da se dela o saborskim zastupnicima. To su ti "simbolički potezi", koji apsloutno niš vu stvarnosti, ekonomskoj, društvenoj i političkoj, ne menjaju. Prišparalo se bu malo, niko ne bu baš preveč zgubil, al važno da se po selu pripoveda.
2.) Oni drugi, stvarni, tvarni i konkretni potezi sake nove vlasti puno su zajebaniji. Tu se več dela o odlukama koje nakon leto, leto i pol, moreju, a i ne moraju, pokazat rezultate (pozitivne ili negativne, kak se več ko čemu nada). To je več "muka Isusova"! Tu bi se i najhrabriji zasrali! I jesu, več puno put.
A ova nova vlast se več na onoj prvoj, "simboličkoj" razini par put zasrala do grla.
Ovaj put samo malo o temu.
Ovo kaj je jučer bilo na televiziji, to kaj dela novi ministar unutarnjih poslova Ostojić, to z imenovanjima svojih savjetnika, se redom dečkih kaj su njemu i partijskim mu drugovima do prije par meseci, blago rečeno, "vadili mast", to je pak zbilam smešno.
Pa kaj nova vlast zbilam misli da je narod za njih glasal za to da vu i na vlasti ostaviju, i to mam pri sebi, pri desnoj ruki, one z kojima su se još prije samo mesec dan klali na se moguče i nemoguče načine?! Kak to oni misliju preživet nove izbore za četri leta ili prije?
A, kak su počeli, moreju i nastavit.
Nek si Milanović zeme za savjetnicu Kosoricu, Linić Šukera ili Škegru, Jovanović Vrdoljaka...
Se nenadjebiv kadar do kadra.
Ne zna se ko je gori.
Ni ko je gori bil kad je bil gori, ni ko bu još gori kad ni ne bu doli.
- Registrirajte se za komentiranje
- Pregled komentara (0)