Robert Škiljan
PO GLAVI STANOVNIKA
Punom parom u provaliju
Lepo nam se sprema
Dakle, propast.
Niš posebno, al’ čoveka veseli.
Cene idu gore, država dole, a tzv. građani kak ko.
Baš v ovo vreme zaseda Sabor i nemre se a ne videt da je situacija vu "kokošinjcu" mlitava. Raspravlja se o dugovanjima državi od tzv. poreznih obveznika, o velkim dugovima (pišljivih 40 i još malo milijardi), al se niko baš preveč ne napinje da bi onom drugom zašpranjil letvu v kotače. Si su nekak pokisli, samo se malo kurčiju lepo oblečeni djelatnici "laburista" il se pak "inatiju" Slavonci, se redom muži kaj lopate v životu nisu vidli, al su zato stalno na strani tzv. seljaka.
Tak je bilo i kad se raspravljalo o budžetu.
Si su se nekak skrivali, ni tu bilo prave vole za okršaj, raspravu ili pravi obračun. Znaju i jedni i drugi da je vrag šalu zel, da narod ni tak blesav i da se sad nemreju delat pametni oni kaj su leta i leta krivo delali i krali.
Jer, jasno je - i najbedastijima je dolšlo z riti v glavu: gotovo je.
Nema se.
Potrošeno je.
Rastrajbano je.
Pokradeno je.
I, kaj je najgore, vreme se natrag vrnut nemre, a ono kaj je opljačkano več je vani, na računima do kojih se, i da se i hoče, nemre dojti.
I kaj sad?
Sad saki gledi da, na kraju ove žalosne popevke, još zgrabi kaj se zgrabiti da.
Najnovije: proizvođači mleka (ne krave!) šteli bi više za to kaj delaju. Rashitavaju mleko po cesti i nečeju se z nikim z vlasti spominat ak im ne obeča da buju dobili kaj iščeju. Podržava ih nekakva vražja Hrvatska poljoprivredna komora, koju su osnovali i vu njoj se uhljebili sljednici Stjepana Radića - se sam seljak na seljaku, haesesovac na haesesovcu - si plačeni iz budžeta, nekakvih 40 miliona godišnje. Nazdravlje.
Ovi kaj su došli tek se spremaju. Novine pišeju da haenesovci, kak ih, siromakih, malo ima, po cesti loviju članove za poduzeča kaj su im došla pod šapu. Neki se, navodno, skrivaju, neugodno im je, al nebuju vušli! Saki Savkin štovatelj svoje mesto v državnom poduzeču il agenciji mesto najti mora!
I, kaj sad?
Napisal bum drugi put, al nemojte posle reč da niste čuli na vreme.
- Registrirajte se za komentiranje
- Pregled komentara (2)