Glasnik-SSNInformativno glasilo Samobora i Svete Nedelje

Naš suradnik, fotograf i ekološki aktivist, kod Vilinskih jama nabasao na čudan prizor

Vile stručno parkirale Golfa

Stvarno bi bila sramota da tolka leta živim u Samoboru, a da ne znam di su Vilinske jame. Ma ne ona birtija, za nju znam, sto put sam tam bil, kolko sam tam vina spil... I dobro sam tam jil. Šnicli su kak da su ih vlastoručno delale vile...

E, da, baš te vile, to sam htel videti, te prave vile iz bajke, i gde su im hiže. Pital sam kak do jama dojti najbliže. Konobarica Barica sve mi je lepo objasnila.

Prvo treba dojti do Bibe Kumer, tam treba popiti vilinsko pivo. Nema kod Bibe cile-mile, tu se pije kaj piju i njene vile. Tu navračaju samo starije vile, a po praznim flašicama vidim da su malo prije bome tu fajn spile. One maloletne vile tu su crtiče valjda gledile.

Več je lagano padal mrak kad sam ja do vilinskog stana došel. Malo mi je bilo sumnjivo kaj nikog doma nisam našel. Ni dobre ni zločeste vile doma nisu bile. Ak su pri Bibi pile, ni mi jasno di su se onda zgubile. Promuval sam se malo okolo, misleči da su se možda negdi skrile. Nekaj mi je tu bilo sumnjivo. Pa di ste mile vile? Imam u gepeku još pol gajbe one pive kaj ste kod Bibe pile.

Malo sam si gruntal i premetal pamet i niš nis zgruntal. Jel su se vile sramile kaj doma nisu niš pospravile?

I onda sam videl vu kom grmu leži zec. Ja jesam bil pod gasom, al Golfa ne bi tu tak stručno parkiral, se da sam vozački ispit markiral. Ne bi ni moj punac kad se naduda ko junac. No, dobro, moglo bi i tak biti, al njegov auto je deset let star Fial Punto. Malo sam si još grunto, doma se vrnul prek sela Tušini.

Sutra je Zelenko verni mene čekal tam di sam ga i ostavil, nasred Bibine ledine. Se je odzvanjalo od tišine. Golf Rabbit i dalje je v Gradni mirno ležal, kak prebit.

Romeo Ibrišević

P.S.

Drage moje vile, ak čitate Glasnik vidle bute po sliki di ste ostavile vilinski auto. Ak več ni kasno? Poglečte za saki slučaj i novi Oglasnik, u rubrici prodaja: šifra je sretni nalaznik.

• Registrirajte se za komentiranje
• Pregled komentara (0)