11.06.2018.

Ak imate nekaj dobroga za pogurnut nejdite vu dučan pod nagodbom

Kad puncu nestane vode, a automat te popluje

Ak imate nekaj dobroga za pogurnut nejdite vu dučan pod nagodbom

Prvo sam štel sve ugurat u komadu. Ni išlo. Onda sam je okrenul na drugu stranu, a ni tak ni išlo. Rival sam, rival kak vrag u grešnu dušu, al niš ni išlo. Ko iz popevke o tuđim cipelama. Onda sam se zmislil da u taj vražji automat guram jednu po jednu flašicu. Svaku mi je plunul nazaj. Lupil sam ga z nogom tak da je odmah napisal Bereit. Guram opet, al brus... Više nis imal cajt. Zrival sam flašice u prvu praznu gajbu, nametal si pive u svoju gajbicu i pravac blagajna. Žuril sam se da ne naiđe punac. Fundal bi me da kraj tolkog trsja ja pivu pijem. A bil sam žejen da bi meglu lizal. Sve se to zbiva u jednom dučanu u Samoboru. Onaj dučan za koji još nisu napravili nagodbu.

- Gospon, di vam je cedulja? - pita me mlada blagajnica.

- Kakva vražja cedulja, kad vam je automat pak krepal!

- Trebali ste pitati mesara. Dobro, a gdi su vam flašice?

- Tam na hrpi.

Ode blagajnica na drugi kraj dučana i ni se dugo vrnula. Novine sam več pročital od početka do smrtovnica. Sve si mislim da je na more prešla. Kad je došla, rekla je da flašice ni našla. Onda je zvala šeficu, ona mene za rukicu i nek pokažem di su flašice. Usput mi je rekla da ta moja mala gajba ne vredi. Takve su davali samo vjernim kupcima. Pa kaj me onda kažnjavate. Ste mogli reč da gajba ne vredi, da je samo za gledet.

Pokazujem prazne flašice crne pive kaj se zovu po onom hrvatskom kralju kaj je proklel se Hrvate do 21. stoljeća. Eto, i ta kletva se i mene sad dotikavle. Ja joj zorno pokazujem kak te flašice morem možda porinut (prosta reč) sebi (drugo nis niš rekal), a ona veli da je to normalno i da se nek ne uzrujavam. Nek si nekaj spijem, a glede te pive da ona ide slabo, jer je skuplja pak je zato automat ne čita. Ni to niš novega. I taj automat ni delal kak spada od kad su ga postavili. Pitam ju jel to normalno, a ona veli da nije. Napravili smo nagodbu. Ja više nis bil sumnjivo lice, ona je prebrojala flašice i na blagajni sam bil prvi na redu. Bar nekaj

Onu mladu blagajnicu je uvjerila da i ona počne pit takvu pivu pa bu drugi put vidla flašice.

I ne bi ja išel nigdar više vu taj dučan da nismo prekčera pretakali. Punac je imal više vina nek kaj se nadal, a na vodu ni mislil, pak me poslal vu dučan da mu donesem šibice i kupim usput vodu. Onu čuvenu kaj ima poruku i kaj su joj deli stare nalepnice. Dal mi je celu gajbu i poslal vu najbliži štacun. I nek se požurim... Da je žedan kaj graba.

Automat me je prepoznal valda još na ulazu i zanemil. Ljubazno sam zamolil gospona u beloj kuti da mi napiše aušvajz, a on je rekel da je samo mesar. Pogađate kak je dalje išlo. Došla je opet neka šefica, ta je imala žešču metodu. Ona je dela samo pol gajbe u automat i glavu porinula u onu luknju i zvala Štefa. Štefa ni bilo pak je onda ona pehnula pol gajbe nutra da je sve zvonilo. I drugu je zavitlala nutri v mrak. Kričala je kak Sraka na Fašniku. Štef se zbudil, automat isto. Dobil sam potvrdu i valjda sam trebal bit sretan ko da sam dobil šesticu na lotu. Punac je do tad več se pretočil. Rekel je da me je trebal poslat po smrt. Hm... Kakva su vremena došla i tam sigurno imaju neki automat di se dugo čeka.

Ja sam se zaklel da vu taj dučan više nepem nigdar. Makar krepal od žeđi. A ak bum išel, zel si bum poluautomat.

Moj nigdar ni zaštekal.

Romeo Ibrišević

 

Ak imate nekaj dobroga za pogurnut nejdite vu dučan pod nagodbom

Arhiva 2018

2017

2016

2015

2014

2013

2012

2011

2010

2009

2008

2007

2006

2005

2004

2003

2002