28.12.2017.

Adventsko čudo na samoborskom placu

Kumica je svoju kravicu ipak podojila

Adventsko čudo na samoborskom placu

Obično mi se čuda priviđaju oko kuće... Živim, naime, na Čudomerščaku i svakakvih sam se čuda nagledal u svojoj ulici. Počelo me to malo i nervirat, pa si mislim da se možda odselim koju ulicu dalje ili da prosim gradske vlasti da preimenuju moju, jer mi je teško živet s tolko čuda.

A sad me čuda stižu i po gradu.

Jučer sam videl kumicu kraj mlekomata!

Manje bi me iznenadilo da sam videl kak kumica s pištoljem želi opljačkat bankomat... Ne bi to bilo niš čudno u današnje vreme.

Al prava kumica s placa, domaća faca pred mlekomatom, nasred placa... Pa kaj to nije i vama bar malo čudno?!

Ona pak, mrtva - hladna, veli meni nek joj pomognem "nahraniti kravicu", jer ne vidi dobro ta sitna slova i rupicu di se meče lova. Guram kovanice i strpljivo čekam dok kumica kravu doji. Vidim još sitne novčeke broji.

- Znate gospon, nigdar nisam imala ovak mirnu kravicu... Ne peše se z nogami, ne zvrača dežicu, ne maše z repom meni po očima, daje po 20 litri mleka, a ni na pašu ni treb hodit. Ni štalu za nju ni treba imat. Navek smo vam mi kravicu imali, al ovak dobru nigdar! - veli meni kumica.

Mlekeco teče, a kumica sad več sama kune v automat meče.

A ja stojim kak tele i buljim vu vrata od mlečnog aparata i čudim se ko pura... Nekaj mi tu ipak ne štima. Il je mleko stvarno dobro (pa zato sam i ja tu) il sutra stiže smak sveta, a možda pak kumica Pavkovićevo mleko šverca pod svoje? Možda je točno i sve troje.

Gledam okolo - jel se snima neki reality show? Očekujem da iskoči iza vugla neki klinac i da počne popevat na "francuskom": "Kra-va tra-vu pa-se, te-le z re-pom ma-šeeeeee..."

Al kumica djeluje previše stvarno i dok ja u daljinu gledam sjetno, s placa je ona z mlekom prešla fletno...

A štel sam kumici reč da je ona tu na mlekomatu zato kaj "volovi" na državnim jaslama vode poljoprivredu... I, kak znam da su baš oni upropastilili selo! Štel sam spomenut i HSS, htel sam joj reč i kak kravic ni v krugu od 30 kilometri, od ove železne i one (Bože mi oprosti blagi) plastične pri Vranešiću v Stojdragi. Htel sam još dodat da je sramota da sam v trgovačkom centru platil pol litre vode 13 kuna. Dobro, ta je voda bar imala poruku... I još sam zabil reč kumici da je moja poruka za političke volove da nek idu ravno u onu stvar koja je pisala na plotu... A kumica je, prije nek je prešla, još rekla da slabo čuje i da ide po novu ambalažu, a nek si ja novce zbrojim i da si slobodno kravicu i ja podojim. Štel sam to i napravit, pa zato sam i došel na plac.

Jel od stresa ili mojega besa, vražji kravlji automat je naglo presušil i ja sam mleko za danas popušil.

Nakon toga doma nis došel časom, jer sam bil malo pod gasom. To da nis imal mleka je jasno, al me žena pitala da zakaj sam došel tak kasno?

U glasu punom jada kriči na mene da priznam di sam bil do sad.

- Bum ti objasnil kak je bilo, nis pijan i mleko mi se ni razlilo, nek ga ni ni bilo. Popila ga kumica, dokaz mi je u fotoaparatu - pogleč kumicu na mlekomatu - nekak sam se branil.

I gleda moja zakonita u fotić, gleda i čudi se.

- Ni fotomontaža... Pogleč, tu su kumica, kolica, stalaža i ambalaža.

Ženu sam nekak uveril da ju nis izneveril, al i sebi sam moral nekak pomoć...

Pa sam zato prešel ravno doktoru Puncu v pivnicu - on je pravi tata-mata za zlečit čoveka od raznih automata. Jemput me čak rešil straha od praznog bankomata, pa kaj nebi od mlečnog aparata.

Ponudil mi je prvo antistres rakiju, a onda je narezal suhoga mesa. Spili smo onda saki po litru, on gemišt, a ja čisto, i sve mi je nakon tog postalo jasno i bistro. Dobar je taj Papeš, bolje leči od doktora Luiđija iz serije Naše malo misto. Onda je on spil još jen gemišt, a ja za po putu još jedno čisto...

Na odlasku mi je napisal provereni recept protiv kumica svih fela, bila slika u boji il crno bela - rekel je da takve stvari on letam lahko leči starim lekom... naravno, domaćim vinom... pa ne valda mlekom?

Romeo Ibrišević

 

Adventsko čudo na samoborskom placu

Arhiva 2017

2019

2018

2016

2015

2014

2013

2012

2011

2010

2009

2008

2007

2006

2005

2004

2003

2002