13.11.2013.

Poprečki od Grgosa do Čudomerščaka i onda...

Fotomemorija ili pak camera obscura

Poprečki od Grgosa do Čudomerščaka i onda...

Zadnje čega se sečam bila je Grgosova špilja. Tam smo imali osnivačku skupštinu Zelenih stopa. Slavimo deset godina kolko po šumama i gorama naše zemlje ponosne iščemo olupine. Mislim da sam još oko pete vure zadnju rundu platil; ili je platil Štef? Ni on škrt - rado počasti svoje goste. Sećam se da je rekel da bi bilo bolje da sam ja Lupino. A i ovo Olupino ne zvuči loše, jer se uklapa "u moju godinu proizvodnje". Mislim da sam ipak ja platil zadnju rundu, jer sam pred jutro prekapal prazne žepe.

Doma sam krenul zadnji. Peške. Vani mesečina, milina jedna. Pa kaj fali da se malo prošetam? Poprečki do Čudomerščaka je oko pol vure kulture. A kak je zišlo da sam ja putoval šest vur – ne bi znal. Di sam bil - pojma nemam, a kak sam slikal, ni to ne znam. Martinje je čudan svetak, sako leto opadne baš vu petak.

A ja sam sigurno padal, jer je aparatlin bil malkice zmazan, al kak je vodootporan (v lajt ga treba hitit na alko test), tak je zdržal sve te spelancije prek brega.

I, sad gledam vu taj displej i niš mi ni jasno. Vidim i auto i drvo i kiler kraj auta i prvu pomoć. Di me najdu sve te olupine?! Ili je ona naletela na mene ili ja pod nju? Ni to bez vraga. Pa ovuda sam sto put prolazil. Morti je lišče opalo pa se bolje vidi. Mili Bogek, a da nis ja vozil taj auto? Ne bi se kladil. I jesam li sad vu raju? Mislim, niš ne gori, znači nis vu paklu.

Gledam vu taj mali zmazani ekran i divim se sam sebi. Malo slike jesu zdrmane, al se sve lepo vidi. I auto i drevo. Znam da sam se kopital, čvrsto sam držal aparat, pazil sam i na mobitel, dobro da nis nikam z glavom lupil. Bormeš su imali praf kad su rekli da ovaj model aparatlina more opast z deset metri i da mu ni niš. To preporučam svakom planinaru da si kupi.

A i ja sam, fala dragom Bogeku, dobro. Pak gledim slikice i sve mi se zmešalo. Vozač je valjda nekam prešel... Morti piša. Kaj tak dugo? Da ni na hitnoj? Ma, nemre bit, ovdi nas ni milicija nebi našla.

Doma sam došel taman na obed. Kak? Otkud? Ja mislim da je to bilo ovak: vozil me je sigurno sused Željac, on je taksist i stalno menja aute, pa kak nisam imal kinte, on me je skup z autom tu ostavil. Ziher! Drugač ni moglo biti.

P.S.

Policiju su obavijestili lovci, a oni vlasnicu vozila. Marka je Fiat, tip Uno, broj šasije 005478920987. Počinitelji nepoznati. Ukraden prije dvije godine.

Ste vidli. Dve leta je trebalo da ga najdu, a ja sam ga "napipal" od prve, i to po noći. Da je bil dan onda tuda nebi ni išel doma i auto ne bi našli nigdar. In vino veritas!

Nisu me zvali na prepoznavanje, jer se ničega ionak ne sečam. Al to kak je auto na kotačima došel od Oštrca do Malog Lipovca nikome ni jasno. Vele da je letil. Kaj danas mečeju deci v mleko ne znam, al da auto fkradeš i onda ga hitiš pod breg je fakat bedasto. I to na takvo mesto di ga nigdar nitko nebu zvlekel. A i zakaj bi. Kaj mu tu fali? Hrast ga drži bolje od ručne, a kak je "parkiran" u parku prirode, nek se renđeri brinu o njemu i vode turiste na obilazak, kak na poučnu stazu. Nek nafče ljude kaj se se more vu šetnji najti kad su sitni cajti.

Romeo Ibrišević

 

Poprečki od Grgosa do Čudomerščaka i onda...

Arhiva 2013

2019

2018

2017

2016

2015

2014

2012

2011

2010

2009

2008

2007

2006

2005

2004

2003

2002